नाते अजब प्रेमाचे

क्षितिजावर झाली भेट चंद्राची सूर्याची,

साक्ष झाली होती त्याला उधाण समुद्राची |

चंद्र म्हणे ही भेट ओझरती का व्हावी,

का आपण सवे बसून गुजगोष्ट करावी |

असे का तुला राग सूर्य ग्रहणाचा,

किंवा असेल गर्व तुझ्या तेजोमायातेचा |

म्हणे सूर्य हसून - खूळ तुज का लागले,

का असावी तुष्टता अथवा दर्प मनी भले |

असे न का उद्गम तुझ्या प्रकाशाचा मज ठायी,

नसे सये किंतु तुझा आड येण्यापायी |

ग्रहण हे असे माझे असणे तुजला देणे,

आपले मिलन हे अंधारातून समक्ष होणे |

असे जरी आपली भेट क्षणभर वा क्षणिक,

प्रेमाचे हे अजब नाते आहे माझ्या हृदयासामीप |